Administrador Munisipiu Manufahi Arantes Isaac Sarmento Elozia CEFOBOM

By Media DNICT 10 Febereiru 2021, 08:20:27 TLs JUVENTUDE
Administrador Munisipiu Manufahi Arantes Isaac Sarmento Elozia CEFOBOM

Administrador Munisipiu Manufahi, Arantes Isaac Sarmento, Manufahi (21/01/2021). Imajen/DNICT


MANUFAHI : Administrador Munisipiu Manufahi Arantes Isaac Sarmento elozia Centru Foinsa’e Boaventura Manufahi (CEFOBOM) ba kooperasaun durante ne’e hodi tulun guverno lokal. Ba Media SEJD iha nia knar fatin Administrasaun Munisipiu Manufahi, Kinta loron 21 fulan janeiru 2020, Arantes Isaac hatete, Prezensa CEFOBOM apoiu tebes prosesu dezemvolvimentu iha munisipiu.

“ Hanesan servidor povu ida iha munisipiu Manufahi, durante ne’e kooperasaun ho CEFOBOM ajuda tebes guvernu lokal liu-liu irigasaun kiik ida ba iha ita nia agrikultura sira nune’e mos iha postu Turiskai , iha liu suku Fatukalo ne’ebé iha tinan lubuk ida labele halai natar, maibe ho apoiu no ajudus ne’ebé maka parte CEFOBOM halo agora dadaun komunidade komesa halo ona aktividade agrikultura iha ne’eba, aliende ida ne’e , iha mos servisu saude ninian liga ho COVID 19, CEFOBOM fo apoiu fasilidade ba komunidade sira, fo asistensia sosial mos ba komunidade kbiit laek sira, ida ne’e atu hateten katak ne’e kooperasaun servisu ne’ebé mak lao maximu tebes”, dehan Arantes Isaac.

Autoridade Munisipiu ne’e hatutan desde estabelese estrutura (ekipa jestor) Centru Juventude ne’e iha tinan 2010 ne’ebé orsamento husi Guverno liu husi Sekretaria Estadu Juventude no Desporto (SEJD), centru Juventude fo ona benefisiu ba foinsa’e sira hodi aprende aumenta sira nia abilidade no agora komesa halo sira nia aktividades, liu- liu aktividades ekonomika, kria grupu kooperativa, ajuda fali familia no mos kontribui ba estabilidade paz no hakmatek iha munisipiu ida ne’e.

“Parte ida ne’e hau hare katak benefisiu diak ida ne’ebe mak centru CEFOBOM la kobre 100%, maibe pelu menus iha pontus balun pozitivu, tamba joven barak aprende iha centro, sira kria kampu traballu ba a’an rasik, nune’e resolve dadaun ona problema balun ne’ebe joven sira iha” sublina Arantes.

Presidente Board iha CEFOBOM ne’e akresenta, era dijitalizasaun global ohin loron signifika mundu laos hakiduk ba kotuk, maibe mundu ba oin nafatin, inklui Timor-Leste hanesan nasaun independente ne’ebé opta mós sistema ne’e, presiza halo dijitalizasaun ba ita nia foinsa’e sira, tamba maioria ema hotu-hotu hakarak asesu ba informasaun ruma , tenke asiste iha elektronik inklui media sosial sira, ne’e hanoin katak centru mos bele servisu hamutuk ho Timor Telekom instala ona internet gratuita iha centru, aliende fasilita joven aprende kona-ba komunikasaun elektronika nian, maibe tenki utiliza ho responsabilidade hodi dezemvolve, hodi kapasita sira kontribui dezemvolve ba munisipiu Manufahi.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu