S.E Abrao Saldanha Enkontru ho Ambassador Japaun mai Timor-Leste

By Media DNICT 02 Marsu 2021, 09:01:54 TLs DESPORTU
S.E Abrao Saldanha  Enkontru ho Ambassador Japaun mai Timor-Leste

S.E Eng. Abrão Nokosiku Saldanha ho Ambassador Japaun mai Timor-Leste, Sr.KINEFUCHI Masami halo diskusaun iha sala reuniaun SEJD, Lecidere Dili (01/03/2021) . Imajen/DNICT


DILI- Ambassador Japaun nian mai Timor-Leste, Sr KINEFUCHI Masami hala’o vizita no halo enkontru ho Sekretáriu Estadu Juventude no Desportu, Eng. Abrão Nokosiku Saldanha iha sala reuniaun SEJD, Lecidere, Dili loron-01 fulan-marsu tinan-2021.

Iha sorumutu ne’e, parte rua halo diskusaun kona-ba posibilidade atletas Timor-Leste nian atu partisipa iha jogus olimpiku no paralimpiku iha Tokyo. Sekretaria Estadu Abrão Saldanha hatete sei halo reuniaun kona-ba preparasaun ne’e tamba Timor Leste hetan ona informasaun husi guverno Japaun kona-ba situasaun COVID 19 iha rai Japaun. “ reuniaun ambassador japaun ne’e atu deside ita nia preparasaun jogu olimpiku iha Japaun, tamba semana oin ami reuniaun ho komite olimpiku atu hare ba preparasaun atletas sira nian,no ohin embaixador Japaun iha Timor Leste fo ona informasaun kona-ba situasaun COVID 19 nian iha ne’eba,” dehan Abrão.

Embaixador Japaun esplika kona ba Japaun ninia preparasaun ba Jogus Olimpiku no Paralimpiku no espresa mos ninia esperansa hodi simu partisipasaun Timor-Leste nian iha jogus hirak ne’e. Sekretariu Estadu no Embaixador konkorda atu servisu hamutuk hodi hakat ba Jogus ne’e.

Relasiona ho partisipasaun jogu rua ne’e iha Tokyo, Sekretáriu estadu sei lori asuntu refere ba konsellu ministru hodi deside hamutuk.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu