SEJD Apela ba Federasaun Basketball Labele Sakrifika Bebeik Atleta Sira

By Media DNICT 23 Febereiru 2021, 14:02:40 TLs DESPORTU
SEJD Apela ba Federasaun Basketball Labele Sakrifika Bebeik Atleta Sira

S.E Eng. Abrão Nokosiku Saldanha halo hela diskusaun ho lider sira FNBTL nian hodi buka solusaun ba dualismu federasaun basketból iha sala reuniaun SEJD Lecidere,Dili (22/02/2021). Imajen/DNICT


DILI- Sekretáriu Estado Juventude no Desportu (SEJD), Abrão Nokosiku Saldanha kontinua esforsu hodi solusiona dualismo iha federasaun basketból nian. Iha Segunda, loron 22 fulan fevereiru tinan 2021 ne’e, excellensia sekretariu estadu halo enkontru ida ho dirijente federasaun nasional basketball Timor-leste (FNBTL) hafoin enkontru hanesan mos halo ho dirijente federasaun basketball Timor-Leste (FBTL) iha sexta loron 9-02-2021 foin lalais ne’e.

Sekretáriu estadu Abrão Saldanha hatete, bolu fila fali dirijente FNBTL sira, atu buka dalan ba dialogu, tamba iha tinan kotuk halo ona mediasaun maibe laiha solusaun, ” entaun agora dadun ne’e buka solusaun atu hetan resultadu final ba basketból nian, tamba sei eziste dualismo entaun guvernu labele foti desizaun ba parseiru ida atu servisu hodi dezemvolve basket, ida ne’e mak parte husi sekretáriu estadu simu no agora dadaun buka hela dalan atu resolve ida ne’e.” dehan sekretáriu estadu.

Parte SEJD fo ona opsaun ba FNBTL, hodi hakotu polemika ne’e atraves Diálogu, Kongresu Extraordinaria, no dalan ikus liu mak Desizaun Tribunal, tamba agora dadun ne’e sakrifika liu mak atlteas sira, laos dirijente federasaun, signifika jogadores ou atletas mak vitima, “entaun  papel  federasaun basketból mak tenke tur hamutuk hodi solusiona problema federasaun nian.” tenik Abrão.

Enkuantu, Presidente FNBTL Joaquim Gusmão kontinua hatete laiha dualismo, tamba Federasaun Nasional Basketball iha Timor-Leste ne’e ida deit, laiha federasaun seluk. FNBTL propoin ba sekretáriu estadu tur hamutuk halo dialogu, atu nune’e bele resolve problema dualismo ne’ebé federasaun iha, tamba ne’e mak agora dadun FNBTL hein desizaun sekretáriu estadu nian no promete sei konvoka reuniaun ho parte rua, atu hetan resultadu final ba problema iha federasaun basketból nian iha Timor-Leste sai federasaun ida deit ba basketból nasional Timor-Leste nian.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu