SEJD no Portugal Komprometidu hare hikas akordo anterior iha area Juventude no Desporto

By Media DNICT 12 Febereiru 2021, 11:05:12 TLs JUVENTUDE
SEJD no Portugal  Komprometidu  hare hikas akordo anterior iha area Juventude no Desporto

S.E Eng. Abrão Nokosiku Saldanha ho Embaixador Portugál José Pedro Machado Vieira koalia hela ba mídia iha SEJD Lecidere Dili (11/02/2021), hafoin diskuasun hodi reve akordo kooperasaun iha area juventude no Desportu. Imajen/DNICT


DILI- Sekretáriu Estadu Juventude no Desportu Eng. Abrão Nokosiku Saldanha hala’o sorumutu ho embaixador Portugál nian iha Timor Leste José Pedro Machado Vieira. Sorumutu ne’e hala’o Iha Kinta, loron-11 fulan-Fevereiru tinan-2021,iha sala reuniaun SEJD, Lecidere, Dili.

Sorumutu ida ne’e Sekretariu Estadu halo atu hare fila fali akordo rua ne’ebé halo tiha ona iha IV Guverno Konstitusional iha tinan 2015. “ Realizasaun sorumutuk ne’e hodi reve akordo kooperasaun iha area Juventude no Desportu ne’ebé sei iha diskusaun relasiona ho akordo anterior no hafoin diskusaun sei implementa memorandum ne'e ho konkreto ,” dehan S.E Abrão Saldanha. 

Embaixador Portugal nian iha Timor Leste José Machado Vieira hato’o nia satisfasaun ho sorumutu ne’e hodi koalia kona-ba ligasaun entre Portugal ho Timor-Leste. José Machado hatete juventude no desportu area ne’ebé potensia tebes nune’e komprimisiu Portugal ho Timor –Leste persiza realiza atraves kooperasaun ne’e.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hare Komentariu Hotu-Hotu

Hakerek Komentariu