Sekretariu Estadu Juventude no Desportu Abrao Nokosiku Saldanha Simu Vasina Sinovac

By Admin 18 Junhu 2021, 20:01:28 TLs JUVENTUDE
Sekretariu Estadu Juventude no Desportu Abrao Nokosiku Saldanha Simu Vasina Sinovac

Sekretáriu Estadu Juventude no Desportu (SEJD), Abrão Nokosiku Saldanha hasai fotografia hamutuk ho Estudante, Professores no Komunidade sira hafoin simu vasina Sinovac, dose dahuluk iha lansamentu ne’ebé realiza iha Universidade Nasional Timor Lorosa’e (UNTL), Dili iha Segunda, loron-14 fulan-Juñu tinan-2021.


DILI – Sekretáriu Estadu Juventude no Desportu (SEJD), Abrão Nokosiku Saldanha, simu vasina Sinovac, dose dahuluk iha lansamentu ne’ebé realiza iha Universidade Nasional Timor Lorosa’e (UNTL), Dili iha Segunda, loron-14 fulan-Juñu tinan-2021. Vasina Sinovac mak vasina ne’ebé prodús husi kompaña Sinovac Biotech.

            Lansamentu vasina Sinovac ne’e hala’o husi Prezidente Parlamentu Nasional, Deputadu Aniceto Longinhos Guterres Lopes. Iha ninia diskursu, Prezidente Parlamentu Nasional husu ba komponente hotu-hotu atu koopera hodi simu vasina tamba simu vasina hanesan kontribuisaun ida importante ba prosesu normalizasaun atividade moris nian iha Timor-Leste.

            Hafoin simu vasina, Sekretariu Estadu Juventude no Desportu, Abrão Saldanha halo mós gravasaun mensajen ida, ne’ebé hala’o husi ekipa komunikasaun UNICEF nian, iha ne’ebé Sekretariu Estadu apela ba joven sira atu kontribui hodi tulun normaliza fila fali atividade hotu-hotu iha Timor-Leste, liu husi simu vasina no mós organiza no mobiliza sosiedade ba simu vasina.

 

#FoinSaeMillennialForsaKriativa #DesportuIhaSosiedadeNoPrestasaun




Hare Komentariu Hotu-Hotu

Hakerek Komentariu