Sekretariu Estadu Juventude no Desportu Hare Kondisaun Estadiun Cafe Ermera

S.E Eng. Abrão Nokosiku Saldanha koalia hela ho labarik sira ne’ebé tuir treino futeból iha Ermera, Gleno (04/03/2021) . Imajen/DNICT

ERMERA- Sekretariu Estadu Juventude no Desportu, Eng. Abrão Nokosiku Saldanha, iha kinta loron-04 fulan-Marsu tinan-2021 hala’o viajen ba munisipiu Ermera hodi partisipa expozisaun Juvenil iha Setor Produtivu ne’ebe organiza husi APFTL no Oxfam. Iha okaziaun ne’e, Sekretariu Estadu Juventude no Desportu aproveita mós oportunidade hodi vizita no hare rasik kondisaun estádiun munisipál Ermera.

Durante vizita ba estádiun Café Ermera, Sekretariu Estadu mós koalia ho presidente asosiasaun futeból juvenile Ermera no labarik sira ne’ebé durante tuir treinu futeból hodi rona direta kondisoens ne’ebé infrenta. Pontu Fokal SEJD nian iha Ermera Marcelino Maia de Deus informa fatin eskritoriu ba Centru Treinamentu Juvenil Ermera la iha, tamba ne’e presiza fatin atu bele utiliza hodi hala’o servisu.

Enkuantu treinador futeból juvenil, Julio Borges informa ba sekretariu estadu katak oras ne’e dadun labarik hamutuk nain 103 mak tuir treinu futeból maibe difikuldade mak treinador ida deit nune’e susar atu kobre hotu, tamba labarik barak mak idade tinan neen (6) to’o 10.

Sekretáriu Estadu nia vizita ne’e atu explora situasaun iha baze husi futeból juvenile munisipiu Ermera nian inklui hare kondisaun estádiun café hodi dezemvolve programa iha area desportu.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021

---